मुख्यमन्त्री विवादः लेखराज भट्ट र लक्ष्मी जोशीको बडी ल्याङ्ग्वेज फरक, सनसनिपूर्ण खुलासा {अडियो सुन्नुहोस्}

प्रकाशित मिति : आइतवार, माघ २१, २०७४

लोकेन्द्र प्रशाद जोशी, दार्चुला ।

नेकपा माओवादी केन्द्रको प्रदेश नम्बर–७ मा मुख्यमन्त्री छनौटको विषयलाई लिएर विवाद उत्पन्न भएको छ । नेकपा एमालेसँगको सहकार्यमा मुख्यमन्त्री पाएको माओवादी प्रदेश ७ का शीर्ष नेताहरुले नै सिफारीसको बिषयमा फरक फरक प्रतिक्रिर्या दिएका छन ।

पार्टीको प्रदेश कमिटीले एकलौटी निर्णय गरेर प्रदेश ७ को मुख्यमन्त्रीमा त्रिलोचन भट्टलाई मुख्यमन्त्रीमा सिफारिस गरेको भन्दै विवाद उत्पन्न भएको हो । प्रदेश–७ मा मुख्यमन्त्रीको दाबी गर्दै आएका दार्चुला ‘ख’ बाट निर्वाचित मानबहादुर धामी सन्तोषले केन्द्रबाट तिन जनाको नाम मागेपनि प्रदेशका नेताहरुले सहमति बिना एक जनाको नाम मात्र सिफारीस गर्नु बिडम्बनापुर्ण भएको बताउँदै संसदीय दलको नेताका लागि पार्टीभित्र उम्मेदवारी दिने बताउँनुभयो । उहाँहरुले संगठनको मूल्यमान्यता र विधिविधान विपरित निर्णय गर्नु ठिक छैन, यसमा आफ्नो आपत्ति छ, धामीले भन्नुभयो, निश्चित रुपमा आफुले संसदिय दलको नेताकालागी उम्मेदबारी दिन्छु । मुख्य मन्त्रीका प्रबल दाबेदार मानिएका कैलालिका बिरमान चौधरीले समेत आफुलाइ समर्थन गर्ने बताइसकेको धामीको दाबी छ ।

माओवादी केन्द्रका प्रदेश–७ इञ्चार्ज लेखराज भट्टले भने आफूहरुले सबै जिल्लाका इञ्चार्ज र संयोजकसँग छलफल गरेर निर्णय गरेको बताउँनुभयो । मानबहादुर धामीपनि दार्चुला जिल्लाका इन्चार्ज हैनन र ? उहाँलाइ त जानकारी गराउँनुभएनछ त ? भन्ने हाम्रो प्रश्नमा भट्टले रेडिमेट जवाफ दिदै, उहाँलाइ जानकारी भयो भन्न सक्ने कुरा भएन, त्यस्तै कुरा अरुले पनि भन्ला, यो त आन्तरीक कुरा हो, उनि मिडियामा किन गए भन्ने उनैले जानुनु, पार्टी बिधि पद्धति त्यो हैन । हाम्रो आन्तरीक पार्टी कमिटिमा जनबादी केन्द्रीयताको आधारमा निर्णय हुन्छ, त्यही लोकतान्त्रीक पद्धति हो निर्बाचन हुदैन भट्टले भन्नुभयो ।

यता प्रदेश संयोजक लक्ष्मी जोशीले भने भट्टसंगै ४ जना अरु नेताहरुको समेत नाम केन्द्रमा पठाएको फरक जवाफ दिनुभएको छ । त्रिलोचन भट्टलाई पार्टीको प्रदेश समितिले शुक्रबार मुख्यमन्त्री बनाउन पार्टी केन्द्रीय समितिमा सिफारिस गरेको थियो । तर संयोजक जोशीले भट्ट सहित मान बहादुर धामी, बिरमान चौधरी र झपट बोहरालाइ समेत सिफारीस गरेर पठाएको जिकिर गर्नुभयो । त्रिलोचन जि प्रार्थमिकतामा राखेर सिफारीस भएका हुन, अरु सार्थीहरुको समेत सिफारीस गरीएको छ, बाकी निर्णय केन्द्रीय किमिटिले गर्छ । निर्बाचन हुदैन, पार्टीको निर्णय सबैले मान्नुपर्छ जोशीले भन्नुभयो । यसअघि धामी र चौधरीको नाम मुख्य चर्चामा रहेपनि भट्ट सिफारीस भएको भन्दै प्रदेश कमिटिमा चर्को बिबाद भइरहेको छ ।

अहिले यो लिंकबाट सुन्न सकिनेछ ।